Snjór snjór og aðeins meiri snjór

Jæja, það er búið að snjóa ágætlega síðastliðna daga. Eins og sumir vita, þá bý ég upp í árbæ. Maður er almennt hærra uppi en hinn almenni Reykvíkingur og maður fær, þegar það snjóar, almennt meiri snjó en almennt gerist hjá hinum almenna Reykvíkingi... almennt séð.

Það hefur ekki liðið vetur að ég hef fest bílinn minn fyrir utan hýbíli mitt eða á leiðinni að hýbíli mínu. Hyuandi Accentinn er bara ekki að standa sig. Ég hef verið upp á síðkastið að pæla í því að fá mér nýjan bíl. Flestir vinir mínir eru að segja mér að fá mér einhvern sportbíl (because by god it makes my balls feel big) en ég er ekkert fyrir þannig dóterí. Ég er meira fyrir hagkvæmni í bílakaupum. Jams, very boring og allt það en það er líka hundleiðinlegt að moka bílinn lausan úr snjó.

Ég er að hugsa um að fá mér slyddu jeppa. Lítinn, hagkvæman jeppa sem dugar í snjóinn í Reykjavík og kannski smá rúnt út á land.

En eins og sumir vita þá skipti ég um skoðun þegar það kemur að bílum jafn oft og.... ööö... já bara ansi oft...