Vampírubanar ráku viðarhæl í hjarta Slobodan Milosevic

stolið frá mbl.is
Fréttavefurinn Ananova segir frá því að maður að nafni Miroslav Milosevic hafi gefið sig fram við lögreglu og viðurkennt að hafa rekið viðarhæl gegn um hjarta Slobodan Milosevic, einræðisherrans látna.

Miroslav, sem mun ekkert vera skyldur Slobodan þrátt fyrir að bera sama eftirnafn, viðurkenndi fyrir lögreglu að hafa ásamt félögum sínum sem berjast með honum gegn vampírum, rekið viðarhæl ofan í jörðu þar sem einræðisherrann látnir liggur og í gegn um hjarta hans til að koma í veg fyrir að hann gangi aftur og valdi ógn og skelfingu í Serbíu.

Sósíalistaflokkur Serbíu hefur fordæmt það að gröf leiðtogans hafi verið lítilsvirt og segist Milica Gajic, tengdadóttir Milosevic, ætla að lögsækja vampírubanana og sakar hún lögreglu um að hafa ekki gætt grafarinnar nógu vel.